FK Vang - Vest Torpa: 2-2 (2-1)
Publisert 10/09/2010
Tveit kunstgras fredag 10 september kl. 19.30
Speaker: Vidar Eltun i toppform
Dommarar: Morten Haugerud, Runar Brenerengen og Sven Ahnstrøm
Publikum: ca 50
Det blir nesten alltid spennande kampar mellom FK Vang og Vest Torpa, dette vart det også i kveld.
FK Vang klarte atter ei gong og gje burt poeng på slutten av kampen. Vest Torpa kjempa innbitt og fortjente kansje å få det eine poenget på overtid. Oddleif Øistad på Vest Torpa lykkast på femte forsøket, han klarte å presse ned avsluttninga som gjekk rett i nettmaskene i det 92. minutt, etter ein retur på ein av mange Vest Torpa cornera i 2 omgang.
FK Vang starta kveldens flomlyskamp meget bra og leia kampen med 2-0 før 20 minutt var gått, laget fungerte bra og alt føltest vel. Kjell Magne Kvale fekk hæla inn 1-0 etter heddinga og asisten til slektningen Øyvind Kjøs Egge. 2-0 kom etter Kai Arne Kvale raid på venstre sida, Kvale kom rundt og la ballen perfekt ut 45 grader der Olav Ulven set ballen utagbart i nota.
Kim Kveno var meget nær å gje FK Vang 3-0, men bomma desverre. Rett etter dette fekk Vest Torpa sitt mål i fyrste omgang, FK Vang er slappe i markeringa på ein dødball og den gode Vest Torpa spissen Morten Enger kjem seg heilt fri og scorar sikkert.
2-1 til pause er eit resultat Vest Torpa bør væra mest nøygde med, men dei kvekna til etter scoringa si.
FK Vang er opptekne av å ta tak i kampen att i pausa, dette har nok også Vest Torpa vorte enige om.
FK Vang har 5 store sjanser i 2 omgangen og bør putte mål, men to gonger er stolpen reddninga for Torpakeeperen, som ellers er sikker og god. Vest Torpa på si side har eit ungt og godt lag, dei kjempar som løver og vil mest utover i kampen. Synd at dette laget muligens har for få poeng til å klare seg i årets 4 divisjon, men mykje kan skje ennå så stå på Torpingar. FK Vang er på ingen måte sikkre i årets 4 divisjon i og med at 5-6 lag kan rykke ned, prestasjonen og innsatsen må væra på topp alle resterande speleminutt i årets serie.
Dagens mann i FK Vang sitt lag vart atter og meget fortjent Øyvind Kjøs Egge, Kai Arne Kvale og Olav Ulven kjem også på pallen.
Vest Torpa sine sider: http://www.torpafotball.no/index.php?subaction=showfull&id=1284147413&archive=&start_from=&ucat=&
Laget: Thomas, Kristoffer Kvale, Anders S, Øyvind, Frank, Kjell Magne, Olav, Pål, Kasper, Kim K, Kai Arne K, Kim B, Kristoffer L Kvien, Robert, Even og Tore.
Kampen:
1-0, 7 min. Kjell Magne Kvale (Øyvind Kjøs Egge)
2-0, 16 min. Olav Ulven (Kai Arne Kvale)
2-1, 36 min.
2-2, 92 min.
Treningar neste veke: Onsdag og fredag kl. 19.30